Në Kosovë po vazhdojnë hetimet për të vërtetuar nëse polici nga Jordani që ka vrarë dy kolege të tij amerikane në Mitrovicë ka pasur lidhje me lëvizjen palestineze Hamas, i ka deklaruar agjencisë Asociated Press një zyrtar i lartë i NATO-s. Polici Ali, edhe vetë i vrarë në këtë sulm, kishte prejardhje palestineze, ndërsa hetuesit po përpiqen të vërtetojnë arsyet e qëndrimit të policit jordanez në Arabinë Saudite vetëm një muaj para se të vinte në Kosovë.