Është larguar nga detyra shefi i kundërzbulimit ushtarak të Serbisë e Malit të Zi, Momir Stojanovic. Stojanovic është i njohur për deklaratën e para pak kohëve se ushtria kishte rivendosur rrjetin e agjentëve të vet në Kosovë dhe kishte futur njerëzit e vet në mesin e drejtuesve të lartë shqiptarë. Në deklaratën e bërë me këtë rast presidenti serbo-malazez tha se Stojanovic do transferohet në një detyrë tjetër, për shkak se ka bërë deklarata të paautorizuara në publik.
