Gjykatësit në Tribunalin Ndërkombëtar për Krime Lufte në Hagë pritet të njoftojnë sot se çfarë do të bëjnë me gjyqin e ish-presidentit jugosllav, Sllobodan Milosheviq. Të hënën, kryegjykatësi Patrick Robinson bëri thirrje për një rishikim radikal të procedurave, pasi ato u shtynë kur një doktor i caktuar nga gjykata, arriti në përfundimin se i akuzuari ishte shumë i sëmurë për të vazhduar gjykimin.
