Kryetari i Qendrës koordinuese të Serbisë për Kosovën, Nebojsha Çoviq ka vlerësuar se serbët e shqiptarët e kanë një armik të përbashkët, e ky armik, sipas tij, është varfëria. Në një intervistë për gazetën e Novi Sadit, Dnevnik, zoti Çoviq ka thënë se "e tërë energjia duhet të drejtohet në zgjidhjen e problemeve të këtilla, e jo në urrejtje". Ai mëtutje është shprehur se beson se në Bashkësinë ndërkombëtare dhe ndër serbë e shqiptarë, ka njerëz të mençur që do të dinë ta gjejnë "një zgjidhje të vazhdueshme dhe të qëndrueshme", në mënyrë që konfliktet të mos përsëriten brenda 20, 30 apo 50 vitesh.