Mbrëmë vonë, senatori Xhon Keri deklaroi se e pranon kandidaturën zyrtare te Partisë Demokratike për president të Shteteve të Bashkuara, në zgjedhjet që mbahen më 2 nëntor të këtij viti. Me fjalimin e z.Keri, u mbyll Konventa Kombëtare e partisë demokratike, që u mbajt në Boston. Ndër temat kryesore që i trajtoi në fjalimin e tij, ishin rikthimi i besimit ndaj Shteteve të Bashkuara në botë dhe rritja e standardit të jetesës brenda Amerikës.
