Sekretari amerikan i shtetit Kolin Pauell ka ftuar sot Sudanin dhe Unionin Afrikan që të shfrytëzojnë afatin e dhënë nga Kombet e Bashkuara për të përfunduar krizën në rajonin e Darfurit, në pjesën perendimore të Sudanit. Duke folur në Kuvajt, Pauell tha se "qeveria sudaneze duhet ta shfrytëzojë kohën për të marrë nën kontroll forcat ushtarake arabe. Ndërkaq, Unioni Afrikan duhet të marrë hapa të menjëhershëm në mënyrë që të krijojë një minimum sigurie në rajon" ka thënë Pauell.
