Shtetet e Bashkuara janë pajtuar që të mbikqyrin rigjykimin e personit të vetëm deri më tani që është dënuar për përfshierje në sulmet e 11 shtatorit në Shtetet e Bashkuara. Rigjykimi i studenti 30 vjeçar, marokienit Mounir El Motasadeq, ka filluar sot në Hamburg të Gjermanisë. I akuzuari u dënua në shkurt të vitit të kaluar me 15 vjet heqje lirie për ndihmë ndaj tre prej rrëmbyesve që e kishin bazën në Hamburg. Por, vendimi u hodh poshtë në mars nga Gjykata e Lartë gjermane pasi një marokien tjetër që paditej me akuza të ngjashme doli i pafajshëm.
