Persona të armatosur kanë vrarë të pakten 180 njerëz dhe më shumë se 100 kanë plagosur, gjatë një sulmi në kampin e refugjatëve kongolezë të fisit Tutsi në Burundi, në Afrikën Qëndrore, ka bërë të ditur sot një zëdhënës i Organizatës së Kombeve të Bashkuara. Në këtë kamp, strehohen rreth 4 mijë refugjatë, që kanë ikur në qershor nga Kongoja. Për kryerjen e këtij sulmi, të shpëtuarit kanë fajësuar grupet e milicisë së fisit Hutu, të mbështetur nga qeveria kongoleze.
