Presidenti Alfred Moisiu ka kërkuar nga ambasadorët e Shqipërisë që në botë dhe institucione ndërkombëtare ta paraqesin realitetin dhe zhvillimet në Kosovë. Ai tha se ekzistimi i strukturave paralele të Serbisë në Kosovë do të mund të shërbente si shkas për të kërkuar që kjo çështje të diskutohet edhe në Këshillin e Sigurimit të Kombeve të Bashkuara. Ndërsa në fjalimin e tij, në këtë takim, kryeministri Fatos Nano tha se "do të ketë një ri-dimensionim të qëndrimit diplomatik të Shqipërisë në lidhje me Kosovën".
