Në të gjitha shkollat fillore dhe të mesme të Kosovës sot ka filluar viti I ri shkollor. Zyrtarë të Ministrisë së Arsimit, Shkencës dhe Teknologjisë kanë njoftuar se në Kosovë ekzistojnë më shumë se 1 mijë e 100 shkolla fillore dhe të mesme dhe në to mësimin këtë vit e vijojnë më shumë se 400 mijë fëmijë. Viti I ri shkollor kësaj radhe nuk është shoqëruar me greva të organizuara nga Sindikata e Bashkuar për Arsim, sikur që ka qenë rasti vitin e kaluar, edhe përkundër faktit se nuk është arritur nivelizimi I pagave me punëtorët e shërbimeve të tjera publike dhe nënshkrimi I marrëveshjes për kontrata kolektive.
