Sot përkujtohet tre vjetori tragjik i sulmeve terroriste të 11 shtatorit në Shtetet e Bashkuara, ku humbën jetën rreth 3 mijë njerëz nga 80 vende të ndryshme. Në orën 14:46, pikërisht në kohën kur aeroplani i parë goditi njërën nga kullat binjake, në Shtetet e Bashkuara u mbajtë një minutë heshtje për nder të viktimave. Me këtë rast sot mbahen ceremoni përkujtimore në Qendrën e Mbrojtjes Amerikane në Uashington, në Pensilvani si dhe në shumë vende të botës.
