UNMIK-u i ka vlerësuar si të pasakta dhe jokorrekte pohimet e kryetarit të Serbisë Boris Tadiq, në letrën dërguar të dielen kryeadministratorit të Kosovës, Soren Jessen Petersen ku kritikohet UNMIK për pozitën e vështirë të serbëve në Kosovë. Në reagimin e UNMIK-ut hidhen poshtë pohimet e presidentit serb se gjatë pesë vjetësh në Kosovë janë vrarë 1500 serbë, pasi shifra e vërtetë është rreth 260 dhe një rënie të dukshme të krimeve në vitet e fundit.
