Qeveria amerikane ka thënë se po i vështron me shqetësim procedurat gjyqësore kundër korrespondentit të Radios Evropa e Lirë Yurij Bagrov. Autoritetet ruse i kanë konfiskuar Bagrovit pasaportën, duke e penguar atë që të udhëtojë në rajon. Departamenti amerikan i shtetit ka lëshuar një deklaratë, në të cilën thotë se po punon për të vërtetuar faktet në këtë rast dhe po vazhdon të monitorojë çështjet e lirisë së mediave në Rusi.
