Ndërlidhjet

LONDËR


Kryeministri britanik, Tony Blair, ka hedhur poshtë informacionet e mediave se qeveria e tij ka zmadhur rrezikun që paraqesnin armët e shkatërrimit në masë të Irakut, si justifikim për ndërhyrjen ushtarake.
"Ka qenë një fakt i pranuar nga gjithë bashkësia ndërkombëtare dhe jo vetëm nga Këshilli i Sigurimit i Kombeve të Bashkuara se Sadam Huseini në fakt kishte armë të shkatërrimit në masë, të cilat paraqesnin rrezik për sigurinë e botës. Kjo është dhe arsyeja përse u miratua rezoluta 1441 nëntorin e kaluar", tha kryeministri britanik.
Publiku dhe qarqet politike në Britani po kërkojnë me ngulm nga Blair të shpjegojë përse forcat e koalicionit ende nuk kanë gjetur armë të shkatërrimit në masë në Irak.
XS
SM
MD
LG