Kryetari i Kuvendit të Kosovës, Nexhat Daci, duke u shprehur në favor të bisedimeve teknike të Kosovës me Unionin Serbi-Mali i Zi, ka thënë se për statusin e Kosovës, Prishtina zyrtare duhet të bisedojë me bashkësinë ndërkombëtare dhe jo me Serbinë. Këto komente z. Daci i ka bërë në një takim me gazetarë në Prishtinë duke shtuar se institucionet e Kosovës gjatë këtij mandati do ta shpallin pavarësinë e Kosovës.
