Ndërlidhjet

logo-print

TIRANË


Më pak se gjysma e shqiptarëve morën pjesë sot në
zgjedhjet lokale për qeverisje vendore. Sipas
informacionit më të fundit të Komisionit Qëndror të Zgjedhjeve, kanë votuar vetëm 49 për qind e qytetarëve të regjistruar në listat e votimit.
Të gjitha partitë politike, përfshi edhe partinë
Socialiste e kanë pranuar se në listat e votuesve një
pjesë e qytetarëve nuk e kanë gjetur emrin e tyre.
Kryetari i Partisë Demokratike Sali Berisha tha se edhe ekipet e huaja të vëzhguesve kanë konstatuar se listat paraprake ndryshojnë me ato të fundit. Për Berishën shkalla e manipulimit në këto zgjedhje është ekstremisht e lartë.
BAGDAD
Të paktën 6 persona janë vrarë nga shpërthimi i një automjeti pranë një hoteli në qendër të Bagdadit, që shfrytëzohet nga anëtarët e Këshillit Qeverisës të Irakut të caktuar nga Shtetet e Bashkuara.
Një pjesë e ndërtesës së hotelit është shkatërruar plotësisht.
Koloneli amerikan Peter Mansoor tha se nga shpërthimi janë plagosur dhjetra të tjerë.
"Të gjithë viktimat ishin banorë lokalë, përveç një ushtari amerikan, i cili u lëndua lehtë", tha Mansoor.
Gjetkë në Irak, dy ushtarë amerikanë u plagosën kur automjeti i tyre hasi në një mjet shpërthyes në afërsi të bazës ushtarake amerikane në qytetin Tikrit.
XS
SM
MD
LG