Pjesëtarë të gueriljes kanë goditur dhe kanë rrëzuar një helikopter ushtarak të Shteteve të Bashkuara me ç'rast janë vrarë së paku 15 ushtarë dhe janë plagosur mbi 20 persona, ka thënë sot zëdhënësi ushtarak amerikan, Bill Darley. Përplasja ndodhi në orët e hershme të mëngjesit afër fshatit Baisa, në jug të qytetit Falluja në Irak. Agjencitë e lajmeve informojnë se në helikopter gjendeshin 57 ushtarë që ishin nisur për tu kthyer në shtëpi në Shtetet e Bashkuara.
