Ushtria e Shteteve të Bashkuara ka bërë të ditur se sot, në dy incidente të ndara në Irak, janë vrarë tre ushtarë amerikanë. Dy pjesëtarë të armatës amerikane janë vrarë në qytetin verior, Mosul ndërsa tjetri ishte vrarë në veri të Bagdadit kur makina e tij hasi në një pajisje shpërthyese. Prej 1 Majit të këtij viti, kur presidenti amerikan, George Bush i shpalli të përfunduara operacionet kryesore ushtarake në Irak, janë vrarë 185 pjesëtarë të ushtrisë së Shteteve të Bashkuara.
