Sekretari amerikan i shtetit, Colin Powell e kaloi sot me sukses operacionin e kancerit të prostatës. Zëdhënësi i departamentit të shtetit, Richard Boucher ka thënë se "jam i lumtur të raportoj se ai doli nga operacioni dhe se çdo gjë kaloi mirë". Ai ka thënë se "mjekët e kanë lokalizuar kancerin e prostatës". Mjekët kanë thënë se zoti Powell me sukses e përballoi këtë operacion, se nuk ka komplikime dhe se pritet ripërtritja e plotë.
