New York Times
Një konvoj ushtarësh me maska në fytyrë dhe të armatosur rëndë, në përbërje të formacioneve paramilitare të xhandarmërisë serbe, patrullojnë rregullisht nëpër fshatrat shqiptare në Luginën e Preshevës, në kërkim të, siç thonë ata, terroristëve shqiptarë. Më 1999, formacionet e këtilla janë bombarduar nga aeroplanët e NATO-s gjatë fushatës ajrore në Kosovë, ndërkaq sot zyrtarët amerikanë këto forca speciale i shohin si aleate potenciale. Qeveria e Serbisë dhe e Malit të Zi kanë ofruar një kontigjent prej 700 forcash që të punojnë bashkarisht me trupat e NATO-s në Afganistan, ofertë kjo rreth së cilës përgjigja varet nga rezultatet e zgjedhjeve parlamentare në Serbi më 28 dhjetor.
Serbia, e cila dikur ishte e izoluar dhe e varfëruar për shkak të një dhjetëvjetëshi luftërash, dëshiron t’i bashkohet NATO-s, Shtetet e Bashkuara ndërkaq dëshirojnë që të vendosin demokracinë, por kjo detyrë do të mbetet e vështirë për t’u realizuar për shkak të frymës nacionaliste në Serbi.
Gazeta citon aktivisten e të drejtave të njeriut Natasha Kandiç të ketë thënë se forcat serbe të sigurimit, të cilat fajësohen për vrasjen e mijëra civilëve gjatë konfliktit në Kosovë, nuk duhet të marrin pjesë në asnjë mision përderisa nuk zbatohen reformat e domosdoshme brenda tyre dhe përderisa nuk gjykohen komandantët e lartë të akuzuar për krime lufte. Zëvendës ministri i brendshëm serb dhe shefi i sigurisë publike, Sreten Lukiç, është i akuzuar nga Tribunali i Hagës për rolin e tij si komandant i forcave të sigurimit gjatë luftës në Kosovë. New York Times rikujton se kryeministri aktual Zoran Zhivkoviç ka refuzuar që të bashkëpunojë me Tribunalin në dorëzimin e zotit Lukiç.
Por, pavarësisht nga vendimi i politikanëve, komandanti i xhandarmërisë serbe, gjenerali Goran Radosavleviç, i cili në Kosovë ka ushtruar funksionin e zëvendësit të komandantit të policisë, është duke e përgatitur kontigjentin për Afganistan.
Brigada e tij prej 2800 anëtarësh është formuar në shtator të vitit 2001 dhe është rekrutuar nga njësitet që janë akuzuar për përfshirje të drejtëpërdrejtë në krime lufte. Në mesin e kësaj brigade gjenden edhe 80 ish anëtarë të Beretave të Kuqe, formacion ky, i cili në fillim të këtij viti është shpërbërë për shkak të përfshirjes së disa anëtarëve të tij në vrasjen e kryeministrit serb, Zoran Gjinxhiç.
Zonja Kandiç thotë se gjenerali Radosavljeviç është një nga fajtorët kryesorë për gjenocidin në Kosovë. Ajo thotë se operacionet e policisë serbe për të zhvendosur kufomat e shqiptarëve të vrarë nga varrezat masive në Kosovë në varreza masive në Serbi, nuk kanë mundur të realizohen pa ndihmën e tij.
Vetë gjenerali ndërkaq kundërshton bashkëpunimin me Tribunalin e Hagës dhe është pjesëmarrës në protestat e organizuara në muajin tetor, në mbështetje për të akuzuarin e këtij Tribunali, Sreten Lukiç.
Gazeta në fund citon gjeneralin të ketë thënë se formacioni i tij është shumëkombësh, por New York Times rikujton se me rastin e rekrutimit të anëtarëve të kësaj brigade, ata kanë marshuar nën tingujt e këngëve nacionaliste serbe, përgjatë pejsazheve që portretizojnë skena lufte nga historia e Serbisë.
Një konvoj ushtarësh me maska në fytyrë dhe të armatosur rëndë, në përbërje të formacioneve paramilitare të xhandarmërisë serbe, patrullojnë rregullisht nëpër fshatrat shqiptare në Luginën e Preshevës, në kërkim të, siç thonë ata, terroristëve shqiptarë. Më 1999, formacionet e këtilla janë bombarduar nga aeroplanët e NATO-s gjatë fushatës ajrore në Kosovë, ndërkaq sot zyrtarët amerikanë këto forca speciale i shohin si aleate potenciale. Qeveria e Serbisë dhe e Malit të Zi kanë ofruar një kontigjent prej 700 forcash që të punojnë bashkarisht me trupat e NATO-s në Afganistan, ofertë kjo rreth së cilës përgjigja varet nga rezultatet e zgjedhjeve parlamentare në Serbi më 28 dhjetor.
Serbia, e cila dikur ishte e izoluar dhe e varfëruar për shkak të një dhjetëvjetëshi luftërash, dëshiron t’i bashkohet NATO-s, Shtetet e Bashkuara ndërkaq dëshirojnë që të vendosin demokracinë, por kjo detyrë do të mbetet e vështirë për t’u realizuar për shkak të frymës nacionaliste në Serbi.
Gazeta citon aktivisten e të drejtave të njeriut Natasha Kandiç të ketë thënë se forcat serbe të sigurimit, të cilat fajësohen për vrasjen e mijëra civilëve gjatë konfliktit në Kosovë, nuk duhet të marrin pjesë në asnjë mision përderisa nuk zbatohen reformat e domosdoshme brenda tyre dhe përderisa nuk gjykohen komandantët e lartë të akuzuar për krime lufte. Zëvendës ministri i brendshëm serb dhe shefi i sigurisë publike, Sreten Lukiç, është i akuzuar nga Tribunali i Hagës për rolin e tij si komandant i forcave të sigurimit gjatë luftës në Kosovë. New York Times rikujton se kryeministri aktual Zoran Zhivkoviç ka refuzuar që të bashkëpunojë me Tribunalin në dorëzimin e zotit Lukiç.
Por, pavarësisht nga vendimi i politikanëve, komandanti i xhandarmërisë serbe, gjenerali Goran Radosavleviç, i cili në Kosovë ka ushtruar funksionin e zëvendësit të komandantit të policisë, është duke e përgatitur kontigjentin për Afganistan.
Brigada e tij prej 2800 anëtarësh është formuar në shtator të vitit 2001 dhe është rekrutuar nga njësitet që janë akuzuar për përfshirje të drejtëpërdrejtë në krime lufte. Në mesin e kësaj brigade gjenden edhe 80 ish anëtarë të Beretave të Kuqe, formacion ky, i cili në fillim të këtij viti është shpërbërë për shkak të përfshirjes së disa anëtarëve të tij në vrasjen e kryeministrit serb, Zoran Gjinxhiç.
Zonja Kandiç thotë se gjenerali Radosavljeviç është një nga fajtorët kryesorë për gjenocidin në Kosovë. Ajo thotë se operacionet e policisë serbe për të zhvendosur kufomat e shqiptarëve të vrarë nga varrezat masive në Kosovë në varreza masive në Serbi, nuk kanë mundur të realizohen pa ndihmën e tij.
Vetë gjenerali ndërkaq kundërshton bashkëpunimin me Tribunalin e Hagës dhe është pjesëmarrës në protestat e organizuara në muajin tetor, në mbështetje për të akuzuarin e këtij Tribunali, Sreten Lukiç.
Gazeta në fund citon gjeneralin të ketë thënë se formacioni i tij është shumëkombësh, por New York Times rikujton se me rastin e rekrutimit të anëtarëve të kësaj brigade, ata kanë marshuar nën tingujt e këngëve nacionaliste serbe, përgjatë pejsazheve që portretizojnë skena lufte nga historia e Serbisë.