Qeveria kroate hyn në krizë pasi katër ministra nga Partia Social-Liberale, midis të cilëve zëvendës-kryeministri Goran Granic dhe ministri i mbrojtjes Jozo Radosh, dhanë dorëheqjen pas vendimit për dorëzimin në Hagë të të dyshuarve për krime lufte. Pas takimit të orëve të vona me anëtarët e kabinetit të tij, kryeministri Ivica Racan u shpreh se do të kërkojë votëbesimin e parlamentit gjatë javës në vijim dhe në rast humbje, formacioni I tij qeverisës do të tërhiqet.
