Një zyrtare serbe citohet të ketë thënë sot se Beogradi ka pezulluar regjistrimin e serbëve të zhvendosur prej Kosovës, një ditë pas hapjes së qendrave të regjistrimit. Natasha Mandic nga Komiteti Serb për Refugjatët tha se shkak i fërkimeve me Organizatën për Siguri dhe Bashkëpunim Europian është se OSBE- ja nuk parashikon në rregulloren e regjistrimit, mundësinë e fotokopjimit të informacioneve mbi to por vetëm paraqitjen e dokumenteve origjinalë.
