Udhëheqësi shpirtëror i lëvizjes Hamas, Sheik Ahmed Yassin, tha se “Izraeli do të paguajë çmimin për sulmin e sotëm” por modalitetet dhe koha, saktësoi ai, do të vendosen nga udhëheqësit ushtarakë të lëvizjes. Të paktën tetë palestinezë u vranë gjatë sulmit izraelit mbi ndërtesën e aktivistëve të lëvizjes Hamas në qytetin Nablus të Bregut Perëndimor. Dy nga të vrarët, Jamal Mansour dhe Jamal Salim, identifikohen si zyrtarë të lartë të lëvizjes militante palestineze.