Kryeministri i Serbisë, Zoran Xhinxhiq ka thënë se presidenti i Serbisë, Millan Millutinoviq nuk do të dorëzohet për t’u gjykuar në Tribunalin e Hagës, sepse ai gëzon imunitet nga posti që ka. Xhinxhiq ka thënë më tej se ish-ministri i Brendshëm i Serbisë, Vllajko Stojilkoviq dhe gjenerali Veselin Slivançanin, gjithashtu gëzojnë imunitet nga statusi ushtarak që kanë në Serbi. Millan Millutinoviq, krahas ish-presidentit Sllobodan Millosheviq, është akuzuar për krime lufte ndaj shqiptarëve të Kosovës në vitin 1999, kurse Slivançanin është akuzuar të ketë masakruar kroatë në Vukovar në vitin1991.