E ndërsa Izraeli ka forcuar kontrollin në tre qytete të Bregut Perëndimor, Këshilli i Sigurimit i Kombeve të Bashkuara po përgatitet për tubimin e hapur të së hënës, të planifikuar pas kërkesës së Organizatës së Konferencës Islamike. Në atë takim do të diskutohet rreth konfliktit izraelito-palestinez dhe propozimeve arabe për zgjidhjen e krizës që vënë theksin në ndërprerjen e menjëhershme të dhunës dhe gjetjen e një mekanizmi monitorimi.
