Një zyrtar i sindikatave të Ukrainës ka njoftuar se ekipet shpëtimtare kanë nxjerrë edhe 17 kufoma nga thellësit e minierës ku dje humbën jetën 36 minatorë nga shpërthimi i gazit dhe zjarrit që ka pasuar.Zëdhënësi i ministrisë për situata emergjente, Oleksy Pechyonkin ka thënë se 10 minatorë janë blokuar brenda minierës Zasyadko në rajonin Donetsk, kurse ekipet e shpëtimtarëve thonë se të pakta janë shpresat që të gjenden të gjallë. Në çastet e shprthimit të djeshëm në këte minierë të Ukrainës ndodheshin 250 minatorë, por shumica arritën të dalin në sipërfaqe, kurse 31 minatorë janë shtruar në spitale me djegie të rënda.