Zelanda e Re dhe shteti Nauru, ishull në Oqeanin Paqesor, janë pajtuar që ta pranojnë anijen norvegjeze me mbi 460 imigrantë ilegalë afganë, të cilët gjenden në afërsi të ishujve të Krishlindjeve në Oqeanin Indian. Kryeministri i Australisë Xhon Houard citohet të ketë thënë se Zelanda e Re dhe shteti Nauru do të fillojnë procesin e shpëtimit të imigrantëve nga anija Norvegjeze, pa dhënë detaje rreth mënyrës së bartjes së tyre dhe kohës së fillimit të operacionit në fjalë.
