Kryeprokurorja e Tribunalit të Kombeve të Bashkuara për krime lufte në hapësirën e ish-Jugosllavisë Carla Del Ponte, arrin në Beograd kurse nesër udhëton në Srajevë. Del Ponte, siç pritet, do të kërkojë nga zyrtarët e Beogradit dhe Sarajevës që të forcojnë bashkëpunimin me Tribunalin e Hagës dhe të ndërmarrin aksione për arrestimin e të akuzuarve për krime lufte dhe transferimin e tyre në Hagë. Në mesin e të akuzuarve më prominentë që akoma ndodhen të lirë janë Millan Millutinoviq, Radovan Karaxhiq dhe Ratko Mlladiq.
