Shefi për politikë të jashtme dhe siguri i Bashkimit Europian, Javier Solana, tha sot se është e nevojshme të krijohet një koalicion ndërkombëtar kundër terrorizmit. Ai u shpreh për shtypin spanjoll se “murtaja e terrorizmit”, siç e cilësoi ai, nuk njeh as kufij, as dimensione. Solana vuri në pah se sulmet nuk duhet t’u faturohen popujve, kulturave apo feve të caktuara.
