Presidenti amerikan George Bush, deklaroi sot se Shtetet e Bashkuara janë në kërkim të të dyshuarit për terrorizëm Osama bin Laden dhe e duan “gjallë a vdekur” atë. Presidenti Bush paralajmëroi regjimin Taliban të Afganistanit, që besohet se fsheh Osama bin Ladenin, se do të përgjigjet për këtë veprim. George Bush tha se e konsideronte Osama bin Ladenin, krye të dyshuarin për sulmet e 11 shtatorit mbi Nju Jork dhe Uashington.
