Kryesuesi i Bordit të Rezervave Federale, Alan Greenspan, tha sot se vala e sulmeve terroriste të javës së kaluar, mund të çrregullojë potencialisht ekonominë amerikane në një periudhë afatshkurtër, por nuk mund të errësojë perspektivën e saj afatgjatë. Rezervat Federale, apo Banka Qendrore e Shteteve të Bashkuara, ka ulur përkohësisht përqindjet e interesit si dhe ka injektuar një sasi të lartë parash kesh në sistemin bankar për të siguruar funksionimin e tregut, të tronditur nga sulmet terroriste dhe humbjet e javës së shkuar.
