Sekretari i jashtëm britanik, Xhek Stro do të takohet me kryeministrin izraelit Ariel Sharon nesër, në Jeruzalem. Më herët, kryeministri Ariel Sharon dhe presidenti izraelit, Moshe Katsav, lajmëruan se do të anullonin bisedimet me Sekretarin e Jashtëm britanik, Stro. Autoritetet izraelite deklaruan se shefi i diplomacisë britanike kishte përdorur shprehje që mund të interpretoheshin si justifikim i terrorizmit kundër Izraelit.
