Kryeministri britanik, Toni Bler, gjendet në Moskë për bisedime jo zyrtare sigurie me kreun e shtetit rus, Vladimir Putin. Në sesionin urgjent të parlamentit britanik, kryeministri Bler tha sot se janë të pakundërshtueshme faktet që lidhin Osama bin Ladenin me sulmet terroriste kundër Shteteve të Bashkuara. Toni Bler u shpreh se nëse regjimi taliban i Afganistanit nuk përmbush kërkesat e Shteteve të Bashkuara, mes të cilave edhe dorëzimin e bin Ladenit, komuniteti ndërkombëtar do ndryshojë regjimin e atjeshëm.
