Nuk kanë qenë rezultative bisedimet e sigurisë mes ministrit të jashtëm izraelit, Shimon Peres dhe dy negocijatorëve të lartë palestinezë, Ahmed Kurija dhe Saeb Erekat, ndërsa një valë e re dhune ka përfshirë Lindjen e Mesme. Një person i armatosur që besohet të ishte palestinez, raportohet të ketë qëlluar mbi një grumbull njerëzish pranë një stacioni autobusi, duke vrarë tre dhe plagosur shumë civilë të tjerë.
