Zëvendës presidenti amerikan, Dik Cejni, thotë se rrjeti terrorist Al Kaida, mund të qëndrojë pas numrit në rritje të rasteve me antraks, në Shtetet e Bashkuara. Zoti Cejni u shpreh se nuk kanë fakte të mjaftueshme që do të konfirmonin përfshirjen e Al Kaidas në përdorimin e armëve bakteriologjike, por vetëm dyshime për lidhshmëri. Deri tani në Shtetet e Bashkuara janë gjetur të infektuar me antraks katër persona, tre prej të cileve në shtetin e Floridas.
