Lexhek Miler, nga rradhët e Aleancës së Majtë Demokratike, mori sot detyrën e kryeministrit të Polonisë. Duke iu referuar ngadalësimit të përgjithshëm ekonomik, papunësisë së lartë dhe krimit, presidenti polak, Aleksandër Kvashnjievski, tha në hapjen e punimeve të parlamentit të ri, se Polonia dhe qeveria e saj po përballen me sfidat më të mëdha dhe të vështira që prej rrëzimit të komunizmit në vitin 1989.
