Sekretari amerikan i Mbrojtjes, Donald Ramsfelld, ka deklaruar se Shtetet e Bashkuara mund të mos jenë në gjendje të kapin të dyshuarin për terrorizëm, Osama bin Laden, edhe nëse regjimi Taliban që e strehon atë kolapson. Ramsfelld argumentoi sot se do të ishte shumë e vështirë kapja e bin Ladenit për sa kohë që ai është në gjendje të mirë shëndetësore dhe i rrethuar nga mbështetës të shumtë.
