Aeroplanët ushtarakë amerikanë kanë vazhduar bombardimin e objektivave të policisë rezerviste talibane dhe rrjetit terrorist Al-Kaida, pas një pauze disa orëshe gjatë natës. Sipas shtypit islamik me bazë në Pakistan, fushata ajrore është zgjeruar sot në provincën Paktika. Një zëdhënëse e Pentagonit, Viktoria Kllark, tha se ushtria amerikane po vë në shënjestër tunelet dhe shpellat që mendohet se përdoren për tu fshehur nga talibanët dhe forcat e organizatës Al-Kaida.
