Qeveria e Shteteve të Bashkuara thotë se ka informacione të besueshme se terroristët mund të jenë duke planifikuar sulme të reja brenda Shteteve të Bashkuara ose kundër interesave amerikane jashtë, gjatë javës së ardhshme. Sidoqoftë, prokurori i përgjithshëm, Xhon Ashkroft, tha mbrëmë vonë se nuk kanë lajme se ku dhe kur mund të operacionalizohen këto plane. Ashkroft ftoi amerikanët që të jenë të durueshëm ndërsa po forcohen masat e sigurisë dhe të sinjalizojnë në kohë për cdo lëvizje që e gjykojnë të dyshimtë.
