Presidenti amerikan George Bush tha sot se vlerësimet ushtarake dhe jo ato fetare do të përcaktojnë mënyrën se si forcat e udhëhequra nga Shtetet e Bashkuara do të operojnë në Afganistan gjatë muajit të Ramazanit. Presidenti Bush tha se Shtetet e Bashkuara nuk kanë plane që të ndërpresin bombardimet gjatë periudhës së agjërimit të myslimanëve, por siguroi se Departamenti i Mbrojtjes do të bëjë gjykimet më të mira ushtarake, lidhur me operacionet gjatë atij muaji.
