Presidenti jugosllav, Vojisllav Koshtunica dhe ai maqedonas Boris Trajkovski, janë zotuar të forcojnë bashkëpunimin në fushën e sigurisë dhe të mbrojtjes, ndërsa kanë vërejtur se të dy vendet do të solidarizohen me përpjekjet ndërkombëtare anti-terrorizëm. Në një konferencë për shtyp në Shkup, Koshtunica është prononcuar midis të tjerash, për rëndësinë e dokumentit të nënshkruar me UNMIK-un, rreth pjesëmarrjes së serbëve në zgjedhjet e 17 nëntorit në, sic tha ai, “sigurinë dhe stabilitetin rajonal”.
