Ministri i jashtëm jugosllav, Goran Svillanovic, ka riafirmuar pozicionin e Beogradit për pjesëmarrjen e serbëve të Kosovës në zgjedhjet parlamentare të 17 nëntorit, pasi tha ai, “kjo do të jetë në interes të minoritetit serb”. Svillanovic u shpreh para Asamblesë së përgjithshme të Kombeve të Bashkuara se megjithatë Beogradi mbetet i shqetësuar për kushtet e sigurisë së serbëve në Kosovë dhe përparimin e ngadaltë të cështjes së personave të zhdukur.
