Parlamenti maqedonas ka rimarrë debatin për ndryshimet kushtetuese, në atë që shihet si seanca përfundimtare para fillimit të miratimit të amendamenteve. Partia shqiptare e Prosperitetit Demokratik, ka deklaruar se do t’u thotë po ndryshimeve të fundit në kreun hyrës të Kushtetutës, pasi ka marrë premtimin e Bashkimit Europian dhe Shteteve të Bashkuara se cështja e amnestisë do të rregullohet pas shpalljes së reformave. Cështja e arsimit të lartë në gjuhën shqipa pritet po ashtu të trajtohet pas përfundimit të ndryshimeve kushtetuese.
