Një delegacion zyrtarësh të lartë të Bashkimit Evropian, bisedoi në Ramalah me liderin palestinez Yasser Arafat në kuadrin e turneut në Lindje të Afërt që ka për qëllim rigjallërimin e bisedimeve paqësore izraelito-palestineze. Delegacioni ku ndodhet edhe Javier Solana, më parë kishte bisedime në Kajro me presidentin e Egjiptit, Hosni Mubarak dhe ka paraparë të takojë edhe zyrtarët izraelitë dhe të vizitojë Jordaninë, Sirinë dhe Libanin. Javier Solana deklaroi se pret zhvillime pozitive gjatë javëve që vijnë.