Shefat e shteteve dhe qeverive të 15 vendeve anëtare të Bashkimit Europian, kanë rënë dakort në parim për krijimin e një force shumë-kombëshe paqeruajtëse për Afganistanin. Ministri i Jashtëm i Belgjikës, Luis Mishel, tha se forca mund të numërojë 3 mijë deri 4 mijë trupa. Shefi për politikë të jashtme i Bashkimit Europian, Havier Solana, tha se kontigjenti mbarë-europian, do të kryesohet nga Britania e Madhe.
