Departamenti i Mbrojtjes i Shteteve të Bashkuara i ka përgënjeshtruar si të pabaza, pohimet e Irakut për goditjen e aeroplanëve të koalicionit perëndimor që mbikëqyrin zonën e ndalim fluturimeve në Irakun jugor. Zëdhënësi i Pentagonit, Jef Davis tha se “të gjithë aeroplanët që kanë fluturuar sot mbi zonën jugore të ndalim fluturimeve, janë kthyer të sigurt në bazë”.
