Zëvendës-Sekretari i Kombeve të Bashkuara për Operacionet Paqeruajtëse, Zhan-Mari Gehno, u bëri thirrje drejtuesve të Kosovës që t’i japin fund mosmarrëveshjeve për postet e larta drejtuese. “Kam apeluar tek udhëheqësit politikë shqiptarë, që të tregojnë fleksibilitet dhe të pranojnë kompromiset” – u shpreh Gehno pas takimit me kryetarin e Kuvendit të Kosovës, Nexhat Daci. Gehno tha se shefi i misionit të ri të UNMIK-ut do të emërohet së shpejti, por nuk dha hollësi për zëvendësuesin e mundshëm të Hans Hakerupit.
