Gjykimi i Sllobodan Millosheviçit vazhdoi sot me dëshminë e 65 vjeçarit Halil Morina nga fshati Landovicë i Kosovës, i cili tregoi se si paramilitarë serbë kishin vrarë njerëz e shkatërruar fshatin e tij në vitin ‘99, ndërsa kishin varrosur të gjallë një grua të paralizuar. I pandehuri Millosheviç reagoi duke akuzuar Gjykatën Penale të Hagës se po paraqet dëshmitarë të rremë, me qëllim që ta detyrojnë të mbrojë veten.
