Sekretari i përgjithshëm i Kombeve të Bashkuara, Kofi Anan, tha sot se Bagdadi duket ta ketë marrë seriozisht çështjen e kthimit të inspektorëve të Kombeve të Bashkuara për armatimin në Irak. Anan u tha reporterëve pas takimit me ministrin e jashtëm iraken, Naxhi Sabri, se pala irakene nuk ka shtuar parakushte për fillimin e kontrolleve, por vetëm ka shtruar problemin e funksionimit të misionit inspektues. Këshilli i Sigurimit i Kombeve të Bashkuara konfirmon se sanksionet 11 vjeçare mbi Irakun, nuk mund të hiqen përderisa inspektorët për armatim të konfirmojnë se Bagdadi ka eliminuar armët biologjike, kimike dhe bërthamore.
