Një gjykatë ushtarake ka liruar para disa orësh zëvendës-kryeministrin e Serbisë Momçillo Perishiq. Zyrtari i lartë serb u ndalua të enjten ndërsa darkonte me diplomatin amerikan, Xhon David Neibër, me akuzën se po përpiqej t’i jepte këtij të fundit dokumente të klasifikuara. Shtetet e Bashkuara protestuan ndaj incidentit, të cilin kryeministri serb, Zoran Gjingjiç, e cilësoi “skandal të klasit të parë”.
